حبيبتي كل العواذل تشابه

حبيبتي كل العواذل تشابه
قلبِ ظلام ووجه يشبه للأصحاب
ولا ما غدى لك صاحبٍ ينحكى به
لا تسمعي أن كان لك قلب وأحباب
إلى مشيت الدرب يلهث سرابه
وإلى سكنت الدار ناداني الباب

وشلون أنام وهم قلبي صوابه
والشوك ينبت بين جفنين وأهداب
تعبت امني الأسئلة بالاجابة
وانطر شروق الشمس والشمس بغياب
وتعبت أناظر والمعنى عذابه
أنك بعيده والملا دونك حجاب

اجمع كلام وما أعرف الكتابة
وعندي شعور الصدق والوقت كذاب
كل النجوم اذا امطرت من سحابه
حبيبتي دمعك جرح قلب واتراب
واللي وقف ما بين بابي وبابه
قلبه ظلام ولابس ثوب الأصحاب

كلمات: طلال الرشيد
ألحان: عبادي الجوهر